"Utnı tuqtatu kileşüen bozsalar - cawap biräçäklär"

Törkiyä tışqı êşlär ministrı Mäwlet Çavuşoğlu Tawlı Qarabaxtağı tınıçlıq kileşüe häm kiläse adımnar xaqında söyläde

1526478
"Utnı tuqtatu kileşüen bozsalar - cawap biräçäklär"

“Utnı tuqtatu kileşüendä Ärmänstan xökümäte räiseneñ imzası barmı – bar. Bu ilneñ ayaq-qulların bäyli. Kileşüne qabat bozsalar – monıñ öçen cawap birerlär,”-dide Törkiyä tışqı êşlär ministrı Mäwlet Çavuşoğlu. Ul räsmi säfär belän Azärbaycan başqalası Baqığa kitkän ide. Çavuşoğlu biredä  matbuğat oçraşuı ütkärde.

“Kaharman Azärbaycan armiyäse, qardäş Azärbaycan xalqı häm ilbaşı İlham Aliyevnı täbrik itäm. Fronttağı ciñüdän soñ Azärbaycan – Rusiyä – Ärmänstan arasında utnı tuqtatu kileşüe imzalandı häm här kileşüdän soñ anı bozuçı Ärmänstan ide. Azärbaycan mäs’äläneñ diplomatik çişeleşe yaqlı buluın härwaqıt kürsätte,”- dide ministr.

Mäwlet Çavuşoğlu üz çığışında Franśiyäneñ Ärmänstannı yaqlap tınıçlıq öçen tırışularnı yuqqa çığarırğa mataşuın belderde.

“Bu prośesstan Minsk öçleseneñ sabaq aluı kiräk ide, bigräk tä Franśiyäneñ. Kileşüdän soñ da ber’yaqlı belderülär yasıylar,”- di ul.

Ministr Çavuşoğlu Törkiyäneñ Rusiyä belän urtaq küzätü märkäze tözü mäs’äläsendä dä kileşüen belderde.

“Bu xaqtağı dokument Törkiyä milli saqlanu ministrı Xulusi Akar belän Rusiyä saqlanu ministrı Sergey Şoygu arasında imzalandı. Kileşüdä Rusiyänen rolenä ähämiyät biräbez. Annan kiläçäk delegaśiyä belän neçkäleklären söyläşäçäkbez. Rusiyäneñ role nindi bulsa, Törkiyäneke dä şundıy bulaçaq. Kontrol’ häm küzätü üzäge ähämiyätle funkśiyä üti. Kileşüne bozu oçraqları bulğanda bolarnı tikşerep xisap biräçäklär. Utnı tuqtatu kileşüeneñ däwamlı totrıqlılıq kiterüen telibez. Azärbaycan niqadär teläsä- şulqadär yanında bulaçaqbız,”-dip söyläde Törkiyä tışqı êşlär ministrı.



Bäyläneşle xäbärlär