Ärmänstan kompensaśiyä tüläyäçäk

Azärbaycan ilbaşı İlham Aliyev Ärmänstannıñ Tawlı Qarabaxqa kitergän zıyanı öçen kompensaśiyä tüläyäçägen äytte. Ul xärbi operaśiyälärdä yaralanğan ğaskärilärneñ yanına xäl beleşergä barğan cirdän qayber belderülär yasadı.

Aliyev Ärmänstannıñ yawlap torğan cirleklärdä toraq punktlarnı, mäktäplärne, xastaxanälärne, tarixi häykällärne, mäçetlärne häm ziratlarnı cir belän ber itüen belderde. Monıñ videoların da urtaqlaşqannar.

Aliyev äytüençä, xalıqara belgeçlär qatnaşında matdi häm äxlaqıy zıyan isäplänäçäk, şunnan soñ Ärmänstan xalıqara mäxkämälärgä bireläçäk.  “Ärmänstan kitergän zıyanın tüläyäçäk,”-dide Azärbaycan ilbaşı.