Törkiyä Azärbaycanğa gumanitar yärdäm cibärde

Törek Qızılayınıñ konvoyı İstanbuldan quzğaldı

1519451
Törkiyä Azärbaycanğa gumanitar yärdäm cibärde

Ärmänstannıñ Azärbaycanda tınıç xalıqqa höcümnäreneñ artuınnan soñ Törkiyä azärbaycanlılarğa gumanitar yärdäm cibärde. Törek Qızılayınıñ konvoyı İstanbuldan quzğaldı häm Ordu şähärenä barıp citte. Anda ber törkem bala Azärbaycandağı yäş’täşlärenä iltü öçen uyınçıq häm kiyemnär salınğan paketlar birde.

Konvoy soñınnan Azärbaycanğa yulın däwam itte.

Törek Qızılayı ğomum üzäge küzätüçelär şurasınnan Ärdoğan Kısacık älege çarağa turıdan-turı yärdäm kiterüçelärgä räxmät citkerde.

“Azärbaycan başqa ber däwlät tügel, bezneñ qardäş ilebez. Bu säbäple alarğa ciñü telibez. Gumanitar yärdämebez monnan soñ da däwam itäçäk,”-dide ul.

Kısacık yök mäşinalarında qışlıq kiyemnär, gigiyena komplektları, odeal, çatır, matraś belän kuxnya komplektı işe äyberlär buluın söyläde.



Bäyläneşle xäbärlär