Ärmänstan qabat utnı tuqtatunı bozdı

Ärmänstan armiyase utnı tuqtatunı bozıp, Azärbaycan ğaskärilärenä häm Terter vilayätendäge toraq punktlarına ut açtı.

Azärbaycan saqlanu ministrlığınnan yasalğan açıqlawğa kürä Ärmänstan armiyaseneñ 08.05tä waqıtlıça utnı tuqtatunı bozıp, yawlaw astındağı Laçın şähärennän Laçınnıñ Sefiyan awılındağı Azärbaycan berleklärenä snaryad ırğıttı.

Ministrlık Azärbaycan armiyaseneñ front liniyasendä utnı tuqtatunı ütäwen belderde.

Azärbaycan ilbaşı yärdämçese Xikmät Xaciyev ta Ärmänstan armiyaseneñ 08.04tän başlap Terter rayonı häm awıllarına snaryad höcüme oyıştıruın açıqladı.

Xaciyev utnı tuqtatunı bozulardan Ärmänstannıñ cawaplı buluın äytep, 10nçı häm 18nçe oktäbr’ könnärendäge utnı tuqtatularnı da bu tarafnıñ bozuın belderde.

“Ärmänstannıñ maqsatı – yawlaw nigezendäge status-kvonı saqlap qalu häm anı nığıtu,” – dide ul.

Şul arada Azärbaycan saqlanu ministrlığınnan yasalğan ikençe açıqlawda Ärmänstan armiyaseneñ front liniyasendä häm ike il çigendäge Azärbaycan berlekläre belän toraq punktlarına snaryad häm minomyet höcümnären oyıştıruı belderelde.

Tawlı Qarabaxta humanitar maqsatlı waqıtlıça utnı tuqtatu cirle sägät’ belän irtänge 8dä ğamälgä kergän ide.