Aliyev: "Ärmänstan utnı tuqtatunı bozdı"

Aliyev millätkä möräcäğätendä ileneñ äsirlär häm mäyetlär belän almaşu öçen utnı tuqtatuğa riza buluın, fäqät Ärmänstannıñ berniçä minut uzğannan soñ utnı tuqtatunı bozuın belderde.

Azärbaycan İlbaşı Aliyev: "Utnı tuqtatunı teläwçelär Ärmänstanğa qorallar cibärä. İsemlege mindä bar. Utnı tuqtatunı teläwçe nigä qoral cibärä”, - dip äytte.

İlham Aliyev: "Ärmänstannı yaqlawçılarğa äytäm. Ärmänstan däwläten qotqarırğa telisez ikän, äytegez, çıqsın bezneñ cirlärebezdän. Ber süzegez belän çığar”, - dip belderde.

Aliyev çığışında ayıruça xäzergä qadär Ärmänstannıñ 252 tankınıñ häm 6 “S-300” raketa sistemasınıñ yuq itelüen dä assızıqlap äytep uzdı.

Amerika Quşma Ştatlarınıñ Azärbaycan belän Ärmänstannıñ kileşüen beldergän Tawlı Qarabaxta humanitar maqsatlı waqıtlı utnı tuqtatu cirle waqıt belän säğät 08:00dä ğamälgä kergän ide.

Ärmänstan armiyası säğät 08:05tä, utnı tuqtatunı bozıp, yaw astındağı Laçın şähäre yünäleşennän Laçınnıñ Säfiyan awılında urnaşqan Azärbaycan xärbi berleklärenä häm Ağdam töbägenä, Tärtär şähäre belän awıllarına tup yädräläre belän ut açqan ide.