Çik buyında operaŝiyalär däwam itä
Wazğıyät’ Azärbaycan armiyase kontrolendä
Azärbaycan armiyase yawdan cirlären qotqaru öçen başlatqan operaŝiyalär däwam itä.
Azärbaycan saqlanu ministrlığınnan yasalğan açıqlawda opreaŝiyalärneñ tön buyı Ağdere, Xocavend, Fuzuli, Xadrut, Gubadlı häm Laçin yaqlarında däwam itüe belderelde.
Ärmänstan köçläreneñ tank, snaryad häm minomyetlar belän ut açuı, Azärbaycan armiyaseneñ isä xäräkät planına yaraqlı urınnarda êşçänleklären başqaruı häm kontrol’ itelüçe mäydannarnı tağın da kiñäytüe citkerelde.
Açıqlawğa kürä Xocavend, Gubadlı häm Laçin töbäklärendä Ärmänstan köçläreneñ qarşılıq kürsätüen zäğıyf’lätkän Azärbaycan armiyase törle yaqlarda alğa barunı däwam itterä, Ağdere häm Xocavend yağında zur yuğaltu kiçergän Ärmänstan köçläreneñ kiräk-yaraqları bette häm snaryad batareyaları täêsirsez xälgä kiterelde.
Şulay uq Azärbaycan armiyaseneñ Ärmänstan köçlärenä bäyle 2 tank, 2 köbäle çara, 4 D-30 gaubiŝası, 1 2A-36 Giasint-B snaryadı häm 7 avtomobil’ne yuqqa çığaruı belderelde.
Frontta bäreleşlär däwam itä, wazğıyät’ Azärbaycan armiyase kontrolendä.