Qırğızstanda saylawlarnı kiläse yılğa qaldırdılar

Qırğızstanda ilbaşı häm parlament saylawların Konstituśiyä reformasınnan soñ ütkärergä buldılar. Kiçä kiç qanun çığaru organında bu xaqta dokument proyektı qabul itelde.  Anı xäzerge 6 säyäsi partiyä dä yaqladı.

Konstituśiyä reformasınnan soñ 2021nçe yılnıñ iyünenä qadär parlament saylawları köne iğ’lan iteläçäk. Üzäk saylaw komissiyäse 4nçe oktybar’dä uzğan ğomum tawış birü näticälären ğamäldän çığarğannan soñ, Konstituśiyä nigezendä, yaña saylaw könen bilgelägän ide – 20nçe dekabr’gä.

İldä 5-6nçı oktyabr’dä uzğan rizasızlıq waqıyğaları barışında Millätçe partiyäseneñ êlekkege deputatı Caparov törmädän çığarıldı. Ul xökümät räise wazıyfasın üz östenä aldı. Monnan tış, Sooronbay Cäänbäkovnı kitärgä mäcbür itep, anıñ urınına ilbaşı känäfiyenä dä utırdı.