Azärbaycan armiyäseneñ operaśiyäläre däwam itä

Tön buyı Ağdärä, Fuzuli, Cäbrail häm Gubadlı tarafında operaśiyälär barğan

1513006
Azärbaycan armiyäseneñ operaśiyäläre däwam itä

Azärbaycan armiyäseneñ cirlären Ärmänstan yawınnan tartıp alu öçen başlağan operaśiyäläre däwam itä.

Azärbaycan saqlanu ministrlığınnan belderülärençä, tön buyı Ağdärä, Fuzuli, Cäbrail häm Gubadlı tarafında operaśiyälär barğan.

Ärmänstan köçläre Azärbaycan armiyäseneñ front sızığına artilleriyadan ut aça. Cäbrail häm Gubadlı yünäleşendä Ärmänstan armiyäseneñ 18nçe motorlı diviziyäse yuğaltular kiçerep kire çigenä.

Azärbaycan armiyäse ärmännärneñ 5nçe höcüm polkınıñ ştabın, andağı qoral häm suğış kiräk-yaraqların qulğa töşerä, bik küp xärbi täêsirsez xälgä kiterelä.

Ärmänstan armiyäseneñ 6nçı häm 7nçe höcüm polkları xezmätkärläre arasında da bik küp yuğaltu buluı bilgele.

Bäreleşlärdä 3 artilleriya batareyası belän berniçä minomyet häm xezmätkärlärne yörtüçe 3 maşinanıñ Azärbaycan armiyäse tarafınnan yuqqa çığarıluı assızıqlandı.

Azärbaycan armiyäse böten front buyınça kontrol’ne üz qulında tota.

Ministrlıqnıñ tağın ber belderüendä Ärmänstan armiyäseneñ Tärtär şähären minomyet utına totuı belderelde.



Bäyläneşle xäbärlär