Êrsin Tatar - yaňa ilbaşı

Tön’yaq Kipr Törek Cömhüriyӓtendӓ ütkӓn ilbaşı saylawınıň ikençe turında ,rӓsmi bulmağan nӓticӓlӓrgӓ kürӓ , prem’yer-ministr hӓm “Milli berlek partiyӓse” namzӓte Êrsin Tatar 51,74% tawış cıyıp ilbaşı bulıp saylandı.

Yuğarı saylaw oyışması saylawnıň ikençe turında Tatarnıň ciňüen xӓbӓr itte.

Êrsin Tatar 51,74 % tawış cıyğan bulsa, xӓzerge ilbaşı hӓm bӓysez namzӓt Mostafa Akıncı 48,26% tawış aluğa ireşte.

Kipr törek xalqı 1974 nçe yıldan birle 10 tapqır ilbaşı saylawında qatnaştı.  

2003 nçe yılda sӓyӓsӓtkӓ kergӓn Êrsin Tatar uzğan yıl may ayında oyışqan koaliśiya xökümӓtendӓ prem’yer-ministr ide.