Qırğızstan ilbaşı: "Min dialogka äzer"

Sooronbay Cäänbäkov ildäge çualışlarnı oyıştıruçılarğa ikençe tapqır möräcäğat' itte

1505012
Qırğızstan ilbaşı: "Min dialogka äzer"

Qırğızstan ilbaşı Sooronbay Cäänbäkov däwlät binaların basıp alu häm parlament saylawların ğamäldän çığarudan soñ säyäsi köçlär belän dialogka äzer buluın belderde.

Ul ildäge däwlät binaların basıp aludan soñ bulğan waqıyğalarnı Bişkäktä küzätep baruın äytep kiçä ikençe tapqır yazma açıqlaw yasadı.

İlbaşınıñ matbuğat üzägennän belderülärençä, Cäänbäkov söyläşülärgä äzer häm xäzergä qadär yaqlardan berse dä çişeleş öçen ber genä fiker alışu platforması da täq’dim itmäde.

“Xörmätle säyäsi köçlärneñ liderları, ilbaşı bularaq xäzerge säyäsi totrıqsızlıqtan qotılu öçen qulımnan kilgän här närsäne êşlärgä xäzermen,”-di Cäänbäkov.  

“Xalıqnıñ taläben yaxşı añlıym. Kilep çıqqan krizisnı çişü öçen mömkin bulğan här çaranı küräm,”-di ul.

Qırğızstanda 4nçe oktyabr’dä bulğan saylawlarnıñ näticälären tanımawçı 12 säyäsi partiyäneñ tarafdarları demonstraśiyä oyıştırdı. Şunnan soñ İlbaşı sarayın häm parlament binasın basıp aldılar.

Xökümät yortın kontrol’ itüçe oppoziśion partiyä wäkilläre, parlament räise häm prem’yer-ministrnıñ wazıyfadan kitüennän soñ, xakimiyät ğawğasın başladı.
 



Bäyläneşle xäbärlär