Yäş' ärmän ğaskäriläre suğışudan baş tarta
Ärmänstannan kiterelgän yaña rekrutlar bäreleşlärneñ köçlelegennän häm awır yuğaltulardan qurqıp qaça
Azärbaycan armiyäse cirlären basıp aludan qotqaru öçen başlağan operaśiyälärdä Agdere rayonınıñ Madagiz cirlegendäge qayber strategik qalqulıqlarda kontrol’ne täêmin itte.
Azärbaycan saqlanu ministrlığınıñ belderüendä front sızığınıñ törle yünäleşlärendä bäreleşlärneñ tön buyı däwam itüe äytelä.
Cäbrail-Fuzuli yünäleşendä Azärbaycan armiyäse Ärmänstan xärbiläreneñ poziśiyäsen cimerep çigenergä mäcbür itä häm alğa taba bara.
Murov tawı yünäleşendä dä wäzğıyät’ Azärbaycan armiyäseneñ kontrolendä. Qayber strategik qalqulıqlar basıp aluçılardan qotqarıldı.
Töne buyı däwam itkän bäreleşlärdä Ärmänstan armiyäseneñ 5 bronetexnikası häm küp sanda xärbiye täêsirsez xälgä kiterelde.
Belderüdä äytelgänçä, basıp alınğan cirleklärgä Ärmänstannan kiterelgän yaña rekrutlar bäreleşlärneñ köçlelegennän häm awır yuğaltulardan qurqıp suğışudan baş tarta.
“Bäreleşlärdäge uñışlar häm törle yünäleşlärdäge ähämiyätle urınnarnıñ qotqarıluı Azärbaycan ğaskäriläreneñ yuğarı suğışçan ruxın häm ciñügä omtılışın tağın da arttıra,”-diyelä belderüdä.
