Bӓreleşlӓr dӓwam itӓ

Azӓrbaycan saqlanu ministrlığı:"2 meň 300 Ӓrmӓnstan ğaskӓre tӓêsirsez xӓlgӓ kiterelde"

1499974
Bӓreleşlӓr dӓwam itӓ

 

Azӓrbaycan armiyӓse basıp alınğan cirlӓrne qotqaru öçen başlatqan höcümdӓ 2 meň 300 Ӓrmӓnstan ğaskӓren tӓêsirsez xӓlgӓ kiterde.

 Azӓrbaycan saqlanu ministrlığı tön buyı köçle bӓreleşlӓrneň dӓwam itüen belderde.

Bu xaqtağı belderüdӓ tübӓndӓge yullar urın aldı: “27-30 nçı sentyabr’ könnӓrendӓ 2 meň 300 Ӓrmӓnstan ğaskӓre üterelde hӓm yaralandı, yaqınça 130 çılbırlı texnika , 200 dӓn artıq artilleriya hӓm raketa sisteması, yaqınça 25 hawa saqlanu sisteması, 6 idarӓ itü hӓm küzӓtü zonası, 5 suğış kirӓk - yaraqları saqlağıçı, yaqınça 50 tankka qarşı saqlanu qoralı hӓm 55 avtomobil’ yuqqa çığarıldı”.

 Belderüdӓ böten front sızığında xӓrbi operasiyӓlӓrneň dӓwam itüe citkerelde.

Azӓrbaycan armiyӓseneň basıp alınğan cirlӓrne qotqaru öçen başlatqan qarşı höcümdӓ Ağdere-Terter yünӓleşendӓ Ӓrmӓnstan köçlӓren qamap aluı ӓytelӓ.

Ӓrmӓnstan armiyӓseneň Azӓrbaycannıň Terter qalasına artilleriya höcüme yasawı , asqormanıň zıyan kürüe hӓm berençel mӓğ’lümatlarğa kürӓ tınıç xalıqtan yaralanğan keşelӓr buluı citkerelӓ.

Ӓrmӓnstan armiyӓse Azӓrbaycannıň Goranboy vilayӓteneň  Tübӓn Acagakend awılına da höcüm itte.

Azӓrbaycan saqlanu ministrlığı toraq punktlarğa başqarılğan höcümnӓrne totqarlaw öçen Azӓrbaycan armiyӓseneň cawap qaytaraçağın belderde.



Bäyläneşle xäbärlär