Әрмәнстaнны кисәткән Aзәрбaйҗaндa өлeшчә мoбилизaция игълaн итeлдe / Ärmänstannı kisätkän Azärbaycanda öleşçä mobilizaśiya iğ’lan itelde

Aзәрбaйҗaн кичәгe бәрeлeшләрдә әрмән гaскәрeндә вaзыйфaлы 550дән күбрәк гaскәринeң үлүeн һәм ярaлaнуын бeлдeрдe / Azärbaycan kiçäge bäreleşlärdä ärmän ğaskärendä wazıyfalı 550dän kübräk ğaskärineñ ülüen häm yaralanuın belderde

1498678
Әрмәнстaнны кисәткән Aзәрбaйҗaндa өлeшчә мoбилизaция игълaн итeлдe / Ärmänstannı kisätkän Azärbaycanda öleşçä mobilizaśiya iğ’lan itelde

Azärbaycan saqlanu ministrlığınnan yasalğan belderügä kürä, awır yuğaltular birgän Ärmänstan armiyasınnan 22 tank häm başqa çılbrlı texnika, 15 OSA zenit raketası sisteması, 18 keşesez hawa apparatı, 8 artilleriya caylanması yuqqa çığarıldı.

Belderügä kürä, 550dän kübräk doşman ğaskäriye üterelde häm yaralandı. Doşman ğaskärenä qarawçı 3 xärbi kiräk-yaraq saqlağıçı yuq itelde.

Tärtär töbäge yanında Talış awılı tiräsendäge bäreleşlärdä doşman hawa batal’yonı komandirı podpolkovnik Lernik Babayan üterelde häm anıñ citäkçelegendäge xärbi berlek personalı awır yuğaltular birde. Talış awılı tiräsendäge qayber qalqulıqlar yaw köçennän azat itelde.

Ministrlıq ärmän xärbiläreneñ mäyetläreneñ hawadan töşerelgän sürätläre belän urtaqlaştı.

Ärmänstan ğaskäreneñ nığıtmalarına raketa häm tuplar belän höcüm itelüe, ärmän köçläreneñ kire çigenüe assızıqlanğan belderüdä: "Doşman armiyasında küp sanda yaralanğan buluı arqasında xärbi xastaxanälärdä häm grajdan xastaxanälärendä urın probleması yäşänä, qan bankında zapas qan citmäw awırlığı bar. Här waqıt bulğanı kebek ärmän yağı / armiyasındağı yuğaltularnıñ çın sanın xalıqtan yäşerä”, - dip äytelde.

Şul uq waqıtta Azärbaycan toraq punktlarına ut açuın däwam itüçe Ärmänstan armiyasın kisätte.

Azärbaycan saqlanu ministrlığınıñ belderüendä, Ärmänstan ğaskäreneñ irtänge säğät’lärdän başlap Tärtär şähärenä ut açuı citkerelep: "Ärmänstannı soñğı tapqır kisätäbez. Bez dä çara kürü öçen cawap biräçäkbez”, - dip äytelde.

Azärbaycan İlbaşı İlham Aliyev ildä öleşçä mobilizaśiya iğ’lan itelüe turındağı qararğa qul quydı.

Qararğa kürä, Azärbaycan mobilizaśiya häm xärbi däwlät xezmäte xärbi burıçı bulğan watandaşlarnıñ mobilizaśiyası öçen armiyağa alınuın häm xärbi transport mäs’äläläre belän bäyle çaralarnı başqaraçaq.

Aliyev qarar belän bäyle böten mäs’älälärneñ xäl itelüen dä Ministrlar Şurasına tapşırdı.

Kiçä irtä belän Ärmänstan-Azärbaycan front sızığında ärmän köçläreneñ Azärbaycan toraq punktlarına ut açuı arqasında bäreleşlär başlanğan ide.

Azärbaycan ğaskäre qarşı höcüm başlatqan häm qayber toraq punktlarnı azat itkän ide.



Bäyläneşle xäbärlär