Azärbaycan-Ärmänstan front sızığında bäreleş

Ärmänstan köçläre bügen irtänge säğat’ 6larda front sızığı buyınça Azärbaycan armiyäse ob’yektları häm toraq punktlarğa awır qorallardan kiñ külämle ut açtı. Awıllar östenä yawğan yädrälär näticäsendä tınıç xalıq ülde häm yaralandı. Şulay uq asqorma zur zarar kürde. Azärbaycan saqlanu ministrlığınnan belderülärençä, armiyä tınıç xalıqnıñ iminlegen täêmin itü öçen böten front buyınça qarşı höcüm başlarğa qarar birä. Cir öste berlekläre, tank, raketa häm artilleriyä, keşesez hawa apparatları yärdäme belän front çigendä häm saqlanu tiränleklärendä bulğan bik küp ärmän ğaskäriyen, ob’yekt häm xärbi texnikasın yuq itälär.Monnan tış Ärmänstannıñ 12 danä OSA oçqıçtan saqlanu raketaları sisteması da citdi zarar kürä.  

Belderüdä äytelgänçä, Azärbaycan hawa köçläreneñ ber xärbi boralağın ärmän armiyäse bärep töşerä. Êkipajnıñ isän buluı bilgele.