Ärmänstan-Azärbaycan front sızığında kiyerenkelek
Ärmänstannıñ Azärbaycanğa höcümnäre häm tınıçsız itüe däwam itkän front sızığında kiyerenkelek xökem sörä
Atna başında bäreleşlär qabat başlanğan çik buyındağı Tovuz töbägendä häm Ärmänstan basıp alğan töbäklärdäge front sızığında köçle bäreleşlär yäşänmägän bulsa da, ärmän köçläre tınıçsız itüçe atışların däwam itterä.
Azärbaycan saqlanu ministrlığı beldergänçä, Ärmänstan ğaskäre soñğı täwlektä pulemyotlar häm snayper qoralları da qullanılğan 69 utnı tuqtatunı bozu oçrağın yasadı.
Ğaskärneñ xärbi köçen canlı totu öçen här kön diyärlek xärbi künegülär uzdıruçı Azärbaycan armiyası buluı mömkin höcümnärgä häm provokaśiyälärgä qarşı uyaw wazğiyättä tora.
Ärmänstan ğaskäre 12nçe iyül’dä Tovuz töbägendä Azärbaycan nığıtmalarına tup atışları belän bergä höcüm kereşüen yasağan, Azärbaycan armiyasınıñ cawap birüennän soñ yuğaltular birep kire çigengän ide.
Bäreleşlär waqıtında Azärbaycan ğaskärennän berse mayor barlığı 12 ğaskäri şähit bulğan ide.
21nçe sentyabr’dä şuşı uq töbäktä bäreleşlär yañadan başlanıp kitkän, Azärbaycan armiyasınnan ber ğaskäri şähit bulğan, ber ğaskäri dä yaralanğan ide.
Azärbaycan ğaskäre Ärmänstannıñ küzätü oçışın yasağan keşesez hawa apparatın bärep töşergän ide.
