Törek tabibları Üzbäkstanda

Alar koronaviruslı awırularnı däwalıy häm täcribäläre belän urtaqlaşa

1488355
Törek tabibları Üzbäkstanda

Törkiyä sälamätlek saqlaw ministrlığı tarafınnan cibärelgän 16 tabib Üzbäkstannıñ koronavirus belän köräşenä yärdäm yözennän ilneñ törle xastaxanälärendä êşläwen däwam itä.

Mediklar törkeme Üzbäkstanğa uzğan ay axırında kitte. Anda 9 belgeç tabib, 6 yärdämçe mediśina xezmätkäre häm 1 biomediśina injenerı bar. Töreklär başqala Taşkentta Kovid-19 xastaları öçen tözelgän 4 meñ yataqlı xastaxanädä êşli. Monnan tış, Ferganä, Andican, Namangan, Sämärqand häm Qaşqadär’ya töbäklärendäge awırularnı däwalıylar.

Törkem balalar tabibı, reanimaśiyä, anesteziya, tın yulları, yoğışlı awırular belgeçläre, aşığıç yärdäm häm xalıq sälamätlege xezmätkärlärennän tora. Alar videokiñäşmä yulı belän uzuçı cıyılışlarda üzbäk wazıyfadaşlarına mäğ’lümat häm täcribälären citkerälär, sorawlarına cawap birälär.

Törek tabibları Üzbäkstandağı êşçänlegen 28nçe avgustta başladı. Ul bu atna axırına qadär däwam itäçäk.



Bäyläneşle xäbärlär