"Ärmänstanğa yul birmäyäçäkbez"

Törkiyä belän Azärbaycan Ärmänstannıñ höcümnärenä qarşı berdäm bulaçaqların tağın ber qat xäterlätte

1466637
"Ärmänstanğa yul birmäyäçäkbez"

Törkiyä Ärmänstannıñ maqsatların tormışqa aşıruına yul quymayaçağın belderde. Törkiyä Böyek Millät mäclese räise Mostafa Şäntop bäyräm belän qotlaw öçen Azärbaycan parlamentı spikerı Saxiba Gafarovağa şaltırattı häm şul xaqta da citkerde. Ul Ärmänstannıñ xoquqnı bernigä sanamawçı höcümnärenä qarşı ilbaşı Räcäp Tayyip Ärdoğannıñ häm üzeneñ dä belderülär yasawın xäterlätte.

Şäntop Törkiyä-Azärbaycan qardäşlegen dön’yağa iñ köçle räweştä kürsätülären assızıqladı. Ul äle däwam itüçe urtaq xärbi künegülärneñ Törkiyäneñ Azärbaycan yanında buluınıñ kürsätkeçe ikänen äytte.

Şäntop Ärmänstan çığarğan Milli qurqınıçsızlıq strategiyäse dokumentına iğ’tibarnı cälep itte. Ul älege proyektta Azärbaycan häm Törkiyägä qarşı doşmannarça poziśiyäneñ açıq çağıluın, anıñ nigezsez farazlar belän tulı buluın citkerde.

“Ärmänstannıñ Azärbaycan häm Törkiyägä qarşı bu maqsatların tormışqa aşırırğa yul quymayaçaqbız,”-dide mäcles räise.

Gafarova da Ärmänstannıñ maqsatlarınıñ barı Qarabax belän genä bäyle bulmawın, plannarınıñ tağın da zur külämle ikänen belderde. Ul Törkiyä belän Azärbaycan arasındağı qardäşlekneñ barınnan da östen buluın assızıqladı.    



Bäyläneşle xäbärlär