"Ärmänstan - faşist däwlät"

Bu turıda  Azärbaycan däwlät başlığı İlham Aliyev belderde

1455992
"Ärmänstan - faşist däwlät"

Azärbaycan däwlät başlığı İlham Aliyev Azärbaycannıñ toraq punktlarına ut açuı säbäple Ärmänstannı faşist däwlät itep taswirladı.

İlham Aliyev Ministrlar şurası cıyılışında yasağan çığışında 12 iyul’ könne çik buyında barlıqqa kilgän bäreleşlärne Ärmänstannıñ başlatuın, Ärmänstan armiyaseneñ Tovuz töbägenä kinät kenä tup belän höcüm itüen belderde.

Azärbaycan armiyaseneñ şunduq cawap qaytarıp, şähit ğaskärilärneñ üçen aluın häm ciñü yawlawın assızıqlağan Aliyev: “Ärmänstan köçläre Azärbaycan cirlärenä kerä almadı häm monı berqayçan da başqara almayaçaq. Kiresençä, bez telägän bulsaq, bügenge köndä Ärmänstannıñ ul töbägendä cirlärneñ zur öleşen kontrolebez astına ala ala idek. Fäqat mondıy maqsatıbız yuq,” – dide.

Aliyev Ärmänstan armiyaseneñ Azärbaycannıñ toraq punktlarına da ut açuın, 76 yäş’lek grajdannıñ yaqtı dön’yadan kitüen xäterlätep bolay dide: “Bu Ärmänstannıñ faşist däwlät buluın tağın ber tapqır kürsätä. Azärbaycan xalqı Tawlı Qarabax öçen alıp barıluçı mägnäsez söyläşülärdän tuydı. Xalıq sabırınıñ da çige bar. Bez köçle armiya qordıq. Tawlı Qarabax mäs’äläsendä kiregä adım yasamayaçaqbız. Azärbaycannıñ cir bötenlegen urnaştırırğa kiräk häm bez bu mäs’älädä täwäkkälbez.”

Törek xalqı häm Törkiyä ilbaşı Räcäp Tayyip Ärdoğanğa teläktäşlek öçen räxmäten beldergän Aliyev: “Bar dön’ya, törek häm azärbaycan xalıqları bezneñ qardäş buluıbıznı tağın ber qat kürde,” – dide.



Bäyläneşle xäbärlär