Ärmänstan-Äzärbaycan çigendä bäreleşlär qabat başlandı

Ärmänstan ğaskäre çik buyındağı Äzärbaycan nığıtmalarına höcüm kereşüen yasadı, toraq punktlarğa ut açtı

1456233
Ärmänstan-Äzärbaycan çigendä bäreleşlär qabat başlandı

Äzärbaycan saqlanu ministrlığınnan yasalğan belderügä kürä, Ärmänstan köçläre bügen irtä belän Tovuz vilayätendäge Äzärbaycan nığıtmalarına höcüm itte. Ärmänstan armiyası Tovuznıñ Ağdam, Dondar Kuşçu häm Vahitli awılların zur külämle qorallar häm minomyot yädräläre belän utqa tottı. Belderüdä tınıç xalıq arasında ülüçelärneñ bulmawı äytelde.

Töbäktä bäreleşlärneñ däwam itüe, torışnıñ Äzärbaycan ğaskäreneñ kontrolendä buluı assızıqlandı.

Belderüdä ayıruça çik buyında Tovuz töbägenä yünäleşendä  Äzärbaycan nığıtmaları östendä küzätü oçışın yasağan Ärmänstannıñ X-55 törendäge keşesez hawa apparatınıñ bärep töşerelüe açıqlandı.

Ministrlıq bärep töşerelgän hawa apparatınıñ fososürätlären urtaqlaştı.

Ärmänstan armiyası 12nçe iyül’dä çik buyınıñ Tovuz töbägendä Äzärbaycan nığıtmalarına höcüm kereşüen yasağan, Äzärbaycan ğaskäreneñ cawap birüennän soñ yuğaltular birep kire çigengän ide.

Bäreleşlärdä Äzärbaycan armiyasınnan berse leytenant barlığı dürt ğaskäre häläq’ bulğan, 4 soldat yaralanğan ide.

Annan soñğı könnärdä dä däwam itkän bäreleşlärdä Äzärbaycan ğaskärennän ber general-mayor belän bergä 7 ğaskäri şähit bulğan ide.



Bäyläneşle xäbärlär