Atambayevnı 11 yıl 2 ayğa xökem ittelär

Qırğızstanda êlekkege ilbaşı korrupśiyä çeltäre buldıruda ğayeple dip tabıldı

1441599
Atambayevnı 11 yıl 2 ayğa xökem ittelär

Qırğızstanda êlekkege ilbaşı Almazbäk Atambayev 11yıl 2 ay törmägä xökem itelde. Ul cinayät’çel oyışma başlığı Aziz Batukayevnıñ irekkä cibärelüe öçen cawaplı bularaq qulğa alınğan ide.

Pervomay rayonı mäxkämäse sud’yası Ämilbäk Kayıpov citäkçelegendä uzğan utırışqa saq astındağı Atambayevnı alıp kilmädelär. Anda qulğa alınmağan ğayeplänüçelär genä qatnaştı.

Êlekkege ilbaşı korrupśiyä çeltäre buldıruda ğayeple dip tabıldı. Xökem qararı anı räşätkä artına ozatu belän genä çiklänmäde, Atambayevnıñ mal-mölkäte konfiskaśiyälände, böten däwlät büläklären kire alu qararı çığarıldı.  

Batukayevnıñ Qırğızstandağı törmälärdä avtoritet buluı bilgele.Ul 16 yılğa xökem itelä, ämma anıñ 8 yılın ğına räşätkä artında kiçerä. Çeçen çığışlı Batukayevnı 2013nçe yılnıñ aprelendä irekkä çığardılar häm Çeçnyağa şäxsi oçqıç belän ozattılar. Cinayät’çel törkem liderına kürsätelgän bu xörmät cämäğat’çelekneñ rizasızlığına säbäpçe buldı. Êlekkege ilbaşı Atambayevnı 2019nçı yılnıñ 8nçe avgustında poliśiyä operaśiyäse näticäsendä qulğa aldılar. Ul Qırğızstan belän 2011-2017nçe yıllarda idarä itkän ide.



Bäyläneşle xäbärlär