Törki Şura virusqa qarşı

Törki Telle İllär Xezmättäşlek Şurasınıñ sälamätlek saqlaw ministrları koronavirus belän köräştä xezmättäşlekneñ nığıtıluına qarawçı qararlar qabul itte.

Törki Şuradan yasalğan açıqlawğa kürä videokonferenŝiya aşa ütkärelgän cıyılışta Törki Şura ğomüm särqätibe Baghdad Amreyev, Törkiyä Cömhüriyäte Sälamätlek saqlaw ministrı Faxrettin Koca, Azärbaycan Sälamätlek saqlaw ministrı Oktay Şireliyev, Qazaqstan Sälamätlek saqlaw ministrı Eljan Birtanov, Qırğızstan Sälamätlek saqlaw ministrı Sabircan Abdikarimov, Üzbäkstan sälamätlek saqlaw ministrı Alişer Şadmanov qatnaştı.

Küzätüçe äğza sıyfatı belän Vengriya sälamätlek saqlaw ministrı Zoltan Lorinсzi belän Bötendön’ya sälamätlek saqlaw oyışmasınıñ Awrupa byurosı mödire Xans Kluge dä cıyılışta ide.

Qatnaşuçılar cıyılışta üz illärendäge Kovid-19 wazğıyäte, sälamätlek saqlaw asqorıması, diagnoz quyu, däwalaw ısulları häm karantin çaraları kebek mäğlümatlar birde, kizügä qarşı xezmättäşlek mäs’äläsendä kileşü täêmin itte.

Şulay uq äğza illärneñ aldınğı belgeçläre, tabib häm bäyläneşle däwlät oyışmaları başlıqları urın alaçaq koordinaŝiya komitetı aradaşçılığı belän xezmättäşlek mexanizmınıñ barlıqqa kiterelüe mäs’äläsendä kileşü täêmin itelde.