Çit illärdäge törek watandaşlarına çaqıru
YTB Çit illärdäge töreklär häm tuğandaş cämğiyätlär idaräse çit illärdä yäşäwçe törek watandaşlarınnan yaña tör koronavirus (Kovid-19) çaraları qısalarında yäşägän illärdä öylärennän çıqmawların teläde
YTB sośial’ media aşa çit illärdäge watandaşlarğa "Öydä qalıyq zinhar!" isemle belderüen citkerde.
Çit illärdäge watandaşlarğa “Kovid-19” kizüe belän köräş qısalarında kürelgän çaralarnı ütärgä häm öydä yal itärgä kiñäş itelgän belderüdä: "Bezneñ öçen sez bik qimmätle”, - dip basım yasaldı.
Watandaşlar yäşägän illärdä küp xalıq bulğan urınnardan çittä torırğa häm räsmi kisätülärgä iğ’tibar itärgä çaqırılğan belderüdä: "Dön’yada virusnıñ taralu tizlegen iğ’tibarğa alıp citdi sälamätlek riskların totqarlaw öçen säyäxät itmägez. Virusnıñ yoğışlı buluın küz aldında totıp küp xalıq bulğan urınnarğa hiç barmağız. Sälamätlegegezne risk astına quymıyça sez yäşägän ilneñ cirle organnarı belän bäyläneşle ilçelek häm konsullıqlarıbız yasağan räsmi açıqlawlarnı häm kisätülärne ütägez”, - dip äytelde.
Yaña tör koronavirus kiñ taralğan illärgä oçışlarnıñ tuqtatıluı xäterlätelgän belderüdä watandaşlarnıñ mäyetlärne taşunıñ isä Sälamätlek saqlaw ministrlığı belän yasalğan koordinaśiyä qısalarında Törek hawa yulları tarafınnan täêmin itelüe assızıqlandı.
Belderüdä: "Küñel tınıçlığın saqlap, sälamätlegebez öçen kiräkle gigiyena qağidälären iñ yuğarı däräcädä ütik, zinhar”, - dip äytelde.
