Azärbaycan Törkiyäneň qayğısın urtaqlaştı
Azärbaycan İlbaşı İlham Aliyev Süriyädä İdlibtä hawa höcüme näticäsendä şähit bulğan törek xärbiläre öçen İlbaşı Räcäp Tayyip Ärdoğanğa qayğınamä cibärde.
Aliyev "ğaziz qardäşem" dip başlağan yullamasında: "Törek ğaskäriläreneň şähit buluı xäbären bik qayğırıp qarşıladım. Sezneň, ğomere özelüçelärneň ğailäläre häm yaqınnarınıň, qardäş törek xalqınıň üzem häm Azärbaycan xalqı isemennän qayğısın urtaqlaşam”, - dip äytte.
Azärbaycan tışqı êşlär ministrlığı da “Twitter” aşa citkergän qayğınamäsendä: "İdlibtä törek xärbiläreneň şähit buluı xäbäre bezne bik borçıdı. Şähitlärgä Allahıdan yarlıqaw telibez, ğailäläreneň häm törek xalqınıň qayğısın urtaqlaşabız”, - dip belderde.
Azärbaycan saqlanu ministrı Zakir Hasanov ta Törkiyä Milli saqlanu ministrı Hulusi Akar häm Ğomum ştab başlığı armiya generalı Yaşar Gülärgä qayğınamä cibärde.
Qayğı belän urtaqlaşqan yullamasında Hasanov: "Sezneň qayğığız bezneň qayğıbız. Törek qorallı köçläreneň terrorçılıq belän köräş operaśiyasınıň uňışqa ireşäçägenä ışanuıbıznı citkeräbez, uňışlar telibez”, - dip äytte.
