Tatar yäşüsmer şaxmatçıları Törkiyädä turnirda qatnaştı
Tatarstan yäşüsmerläre Törkiyäneň İzmir qalasındağı şaxmat turnirında qatnaştı
Tatarstannıň Çallı şähärendäge “Êtyud” sport mäktäbe şaxmatçıları Törkiyäneň İzmir qalasında şaxmat turnirında qatnaştı.
İzmir tatar cämğiyäte başlığı Bähzat Aqtaş xäbär itüençä, 2020nçe yılnıň 12nçe-15nçe ğinwar’ könnärendä uzuçı şaxmat turnirında Tatarstanlılar “Apaydın” törek şaxmat klubı belän köç sınaştı.
Çallıdan 12-15 yäş’lärendä 8 yäşüsmer kilgän. Trenerları Ramil Xösnullin yuğarı belemen İzmir qalasında alğan, 2008nçe yıldan birle Çallı şähärendä şaxmat klubın citäkli.
“Apaydın şaxmat” bularaq xalıqara turnirlar oyıştıruların häm Törkiyä şaxmat çempionatı aldınnan äzerlek matçların ütkärülären äytüçe çaranıň direktorı häm törek taqımınıň trenerı Fäthi Apaydın uzğan yıl Serbiya belän uzdırılğan çaranıň bıyıl Tatarstan şaxmatçıları belän oyıştıruların aňlattı:
“Bu çaranıň bıyıl ayıruça mäğ’näle buldı: minem berençe tapqır Törkiyä çempionı bulğan çaqta Ramil äfände minem trenerım ide. Bik güzäl xatirälärebez bar. Bezneň öçen ürnäk ber trener. Tatarstandağı şuşı şaxmat klubı belän xezmättäşlek urnaştırudan bez bik şat”.
