Tatar zıyalıları käberläre yanında iskä alındı

2019nçı yılnıň 17nçe noyabr’ könne Törkiyä başqalası Änkarada urnaşqan Cäbäci ziratında ädäbiyätçe Roza Qorbannıň äydäp baruçanlığında “İsännärneň qaderen, ülgännärneň käberen bel” çarasınıň öçençese ütkärelde.

Çarada Tatarstannan ğalimnär Aydar Xäyretdin häm Miläwşä Ğaynanova da qatnaştı.

30nçı noyabr’ könne isä Änkaradağı tarixi Hacı Bayram Väli mäçetendä märhüm tatar zıyalıları, professor doktor Säğädät Çağatay häm ire professor Tahir Çağatay, ädäbiyatçı, folk’klorçı, arxeolog, filolog Xämit Zübeyr Koşay, pedagog, yazuçı häm ğalim Zakir Kadiri Ugan belän xäläl cefete şağirä häm pedagog Saniyä İffät Ugan, Bötendönya Tatar ligasınıň berençe qoruçı başlığı, jurnalist Ali Aqış häm bertuğannarı Färidä, Naciyä, Saidä Aqışlar, professor Ğabdelkäder İnan, professor Äxmät Timer, Änkaradağı Qazan tatar cämğyäteneň êlekke başlığı Safa Däwlätşax häm professor İbrahim Väli Odarnın ruxları öçen Qor’än uqıldı.

Änkara ziratında tatar-başqortlar iskä alındı | TRT Tatarça

 

Änkara ziratında tatar zıyalıları | TRT Tatarça

 

İstanbulda Rämiyevlär iskä alına | TRT Tatarça