Qazaqstanda törki yazunıň uqıluınıň 126 yıllığı çaraları

Qazaqstan başqalası Nur Soltanda borınğı törki yazunıň uqılıp mäğ’näseneň belenüeneň 126 yıllığı mönäsäbäte belän çara ütkärelde

Qazaqstanda törki yazunıň uqıluınıň 126 yıllığı çaraları

“Ulu Budun (olı xalıq)” cämğiyäte tarafınnan Qazaqstan milli muzeyında oyıştırılğan çarada törki yazu turındağı fil’m kürsätelde. Qatnaşuçılar yazu tarixına qağılışlı çığışlar yasadı.

“Ulu Budun” cämğiyäte başlığı Märuärt Qurmangaliyeva, 25nçe noyabr’neň törki yazunıň açışı yasalğan kön buluına iğ’tibarnı yünältep: "Törki yazu törki xalıqlarnıň berläşü nigezen täşkil itä. Maqsatıbız mädäniyät, sänğät’ häm tarix aradaşçılığı belän törki däwlätlärne berläşterü”, - dip äytte.

Törki yazunıň täwge tapqır uqılıp mäğ’näse belengän 25nçe noyabr’neň törki cömhüriyätlärdä qotlanuı telägen citkerüçe Qurmangaliyeva: "Kiläse yılda mondıy çaralarnıň böten törki xalıqlar tarafınnan da qotlanaçağın ömet itäm”, - dip äytte.

Çarada tyurkologlar, ğalimnär, qazaq, qırğız, noğay, törekmän, altay, uyğır, gagauz, tatar, xakas häm başqa törki xalıqlarnıň wäkilläre qatnaştı.

Borınğı törki yazuı berençe tapqır 1893nçe yılnıň 25nçe noyabr’ könne Daniyalı lingvist Wilhelm Thomsen tarafınnan uqılıp mäğ’näse belenä.



Bäyläneşle xäbärlär