Budapeştta Törki Kiñäşmä ofisı açıldı

Macarstan (Vengriya) başqalası Budapeştta Törki telle illärneñ xezmättäşlek şurası Törki Kiñäşmäneñ tanıtu ofisı xezmätkä kerde

1272703
Budapeştta Törki Kiñäşmä ofisı açıldı
Turk kenesi macaristan2.jpg
Turk kenesi macaristan1.jpg

Başqala Budapeştta oyıştırılğan açılış programmasında Törkiyä Tışqı êşlär ministrı Mäwlüt Çavuşoğlu, Macarstan (Vengriya) Tışqı êşlär häm tışqı säwdä ministrı Peter Szijjarto, Qırğızstan Tışqı êşlär ministrı Çingiz Aydarbäkov, Azärbaycan Tışqı êşlär ministrı Älmar Mammadyarov, Qazaqstan Tışqı êşlär ministrı Muhtar Tläubärdi häm Törki Kiñäş ğomum särkätibeTürk Keneşi Genel Sekreteri Bağdat Amreyev qatnaştı.

Ministr Çavuşoğlu biredä yasağan çığışında: "Törki telle xalıqlar häm bezneñ öçen ğorurlıq birüçe kön, çönki bu ofisnıñ açıluı belän Törki Kiñäşmäneñ ähämiyäte tağın da arta. Bu ğailä zuraya, bigräk tä tamğaxanä, säwdä, asqorma ölkälärendä Törki Kiñäşmäneñ role bik möhim”, - dip äytte.

Törkiyä häm Macarstan (Vengriya) arasındağı mönäsäbätlärneñ iskitkeç yaxşı wazğiyättä buluın belderüçe Çavuşoğlu Macarstannıñ borınğı ğoref-ğadätlärne yäşätü mäs’äläsendä möhim rol’ne üz östenä aluın assızıqlap äytep uzdı.

Törki Kiñäşmä ofisınıñ Budapeştta açıluınıñ Macarstan (Vengriya) belän ber ük qimmätlärne urtaqlaşıluınıñ kürsätkeçe buluın añlatuçı Mäwlüt Çavuşoğlu: "Törki Şura barı tik törki illär arasındağı mönäsäbätlärne genä tügel, Macarstan (Vengriya) belän bulğan mönäsäbätlärne dä köçäytäçäk. Ofisnıñ törki dönya belän Awrupa xalıqları häm oyışmaları arasındağı êlemtälärne dä nığıtaçağına, ike geografiyada êşçänlek alıp baruçı êşmäkärlär arasındağı üzara bäyläneşne arttıraçağına ışanam”, - dip belderde.

Azärbaycan Tışqı êşlär ministrı Mammadyarov isä Macarstannıñ (Vengriyanıñ) Törki Şura belän bulğan mönäsäbätlärne köçäytü öçen yasağan adımnarınnan şat buluın äytte.

Macarstan (Vengriya) Tışqı êşlär häm tışqı säwdä ministrı Szijjarto da ileneñ härwaqıt Könçığış häm Könbatışnıñ xezmättäşlek urnaştıruı öçen êşläwen häm Törki Şuranıñ Budapeştta ofis açuı qararınıñ da monı isbatlawın belderde.

Qırğızstan Tışqı êşlär ministrı Aydarbäkov ta Budapeşttağı ofisınıñ Törki Şura häm Macarstan (Vengriya) arasındağı mönäsäbätlärne köçäytü öçen faydalı bulaçağına ışanuına basım yasadı.

Qazaqstan Tışqı êşlär ministrı Tläubärdi isä Macarstannıñ (Vengriyanıñ) Törki Şurağa uzğan yılda küzätüçe äğ’za buluın, bügen isä Awrupada Törki Şura ofisınıñ açıluına iğ’tibarnı yünältte.

Törki Şura ğomum särkätibe Amräyev ta yasağan çığışında Budapeştta açılğan ofis belän Törki Kiñäşmäneñ tağın da zurayıp, köçäyäçägen häm bügenge könneñ tarixi mizgel buluın äytte.



Bäyläneşle xäbärlär