Üzbäkstannıñ milli tulayım tabışı artqan

Üzbäkstan däwlät statistika komitetı beldergançä, bıyılnıñ berençe yartıyıllığında ilneñ milli tulayım tabışı uzğan yılnıñ şul uq çorı belän çağıştırğanda 5,8%qa artıp 222 trillion 22 milliard somğa (yaqınça 26 milliard dollar) citkän.

Älege däwerdä sänäğät’ tarmağı 6,9%, awıl xucalığı,urman häm balıqçılıq tarmağı 2,1%,tözeleş tarmağı 20%qa , transport häm logistika tarmağı 5,1%qa üskän.  

Üzbäkstan xökümäte bıyıl milli tulayım tabışnıñ urtaça 5%qa artuın küzdä tota.

Dönya bankınıñ yañartılğan Global’ iqtisadi plannar xisabında  Üzbäkstannıñ milli tulayım tabışınıñ 2019 nçı yılda 5,3%qa artaçağı farazlana.