Tatar qızı Bosfornı yözep çıqtı

Moña qadär marafonçı bularaq tanılğan Gölnara Zıyatdinova bu yulı başqa yaqtan açıldı

Tatar qızı Bosfornı yözep çıqtı

Xäzerge waqıtta Änkara şähärendä yäşäwçe Gölnara Zıyatdinova İstanbuldağı mäşhür Bosfornı arqılığa yözep çıqtı. Bez inde anıñ qulına Tatarstan bayrağın kütärep marafonnarda yögerüen küp tapqırlar kürdek. Xäzer Gölnaranıñ uñışlar isemlegenä - yözü dä östälde.

21nçe iyül’dä uzğan yarışta 59 ildän 2 meñ 400 yözüçe qatnaştı. Ul - dön’yadağı iñ yaxşı açıq suda yözü çarası. Yarış 30 yıldır ütkärelep kilä.   

Bosfor buğazın qolaçlap ütü xıyalı Gölnarada küptän yäşi. Bu maqsatına yıllar däwamında äzerlänä tırış häm batır yöräkle tatar qızı. “Nihayät’, Bosfornı yözep çıqtım,-dip urtaqlaşa ul şatlığı belän. - Böten qurqularımnı ciñdem! Döresräge üzemne ciñdem. Trenirovkalardan soñ tönnären sızlanıp yoqlıy almıyça yatsam da taşlamadım, 2 yıl äzerländem. Teläsäñ  - barısına da ireşergä mömkin ikän. Telägeñ genä yaxşı bulsın”.

 Şunı da äytergä kiräk, Gölnara Zıyatdinova professional’ yözüçe tügel. Awrupa belän Aziyäne totaştıruçı 6 kilometr yarım aranı qolaçlağannan soñ aña qıytğalararası yözüçe iseme birelde.  



Bäyläneşle xäbärlär