Dağıstan Sabantuyında Azärbaycan tatarları

Rusiyä Federaśiyäsenä bäyle Dağıstannıñ Qızılyurt qalasında Sulaq yılğası buyında berençe Kön’yaq Sabantuyı uzdı

1235290
Dağıstan Sabantuyında Azärbaycan tatarları

Rusiyä Federaśiyäseneñ 11 töbägennän häm şulaq uq Törkiyädän, Azärbaycannan häm Qazaqstannan tatar wäkillekläre qatnaşqan milli cıyın Tatarstan belän Dağıstan arasındağı säwdä-iq’tisadi, fänni-texnik häm mädäni xezmättäşlek kileşüe qısalarında oyıştırıldı.

 

Azärbaycandağı “Tatarstan” ictimaği berläşmäse başlığı urınbasarı Ämin Ramazanov beldergänçä, Kön’yaq Sabantuyında Azärbaycannan qatnaşqan tatar diasporası wäkilläre Dağıstannıñ turistik urınnarı belän dä tanışu mömkinlegen taptı.

 

Azärbaycan qunaqları şulay uq Xalıqlar duslığı yortında Tatarstan Baş ministr urınbasarı Vasil Şäyxraziyev belän Kön’yaq häm Tön’yaq-Qavqaz federal töbäkläreneñ häm şulay uq Azärbaycan belän Qazaqstan tatar ictimaği oyışmaları wäkilläre belän ütkärelgän oçraşuda da qatnaştı.

 

 

Dağıstan tatarlarınıñ “Tuğan tel” cämğiyäte räise Êl’mira Qadırova äytüençä, tatar cämğiyäte 2016nçı yılda tözelde, xäzerge waqıtta cömhüriyättä 4 meñ tiräse tatar yäşi.

 

 

Ämin Ramazanov fotosürätläre

 

 

 
 
 
 


Bäyläneşle xäbärlär