Ukraina qırım tatarlarına basımnı gäyepläde

Ukraina Rusiyä iminlek köçläreneñ Qırımnıñ törle töbäklärendä 8 tatarnı qulğa aluın kisken räweştä gäyepläp çıqtı

Ukraina qırım tatarlarına basımnı gäyepläde

Ukraina Tışqı êşlär ministrlığınnan yasalğan yazma belderüdä Qırımda tatarlarğa qarata yañadan başlanğan basımnarğa reakśiya kürsätelde.

Belderüdä: “Rusiyä yawlap alğan Qırımda Simferopol (Aqmäçet), Belogorsk häm Aluşta töbäklärendä qırım tatarlarınıñ qulğa alınuın häm öylärendä qanunsız tentülär yasaluın kisken räweştä gäyeplibez”, - dip äytelde.

Uylap çığarılğan terror oyışması tikşerüe belän 8 qırım tatarınıñ qulğa alınıluı xäterlätelgän belderüdä: “Monnan aldağı waqiğalarda (waqıyğalarda) bulğanı kebek Rusiyäneñ okkupaśion citäkçelege cirle xalıqqa qarşı terrorçılıq belän köräş küreneşe astında basım yasarğa däwam itä”, - dip bäyäläw yasaldı.

Ayıruça belderüdä Rusiyä Qırımda keşe xoquqların bozuın tuqtatırğa, yarım utrawda saq astında totılğan Ukraina watandaşları irekkä cibärelergä çaqırıldı.

 
Rusiyä iminlek köçläre Qırımda Aluşta, Belogorsk häm Simferopol (Aqmäçet) şähärlärendä tatarlarnıñ öylärenä operaśiya ütkärgän, tentülär näticäsendä 8 qırım tatarı qulğa alınğan ide.


Bäyläneşle xäbärlär