Qazaqstanda saylawlar demokratik şartlarda uzdı

İsmät Uçma: "Qazaqstanda waqıtınnan êlek İlbaşı saylawınıñ demokratik şartlarda ütkärelüe bilgelände"

Qazaqstanda saylawlar demokratik şartlarda uzdı

Törki telle illärneñ parlamentariy assambleyası (TÜRKPA) saylaw küzätü wäkillege başlığı häm “Ğadälät häm qalqınu” partiyasınıñ İstanbul xalıq ışanıçlısı İsmät Uçma Qazaqstanda İlbaşı waqıtınnan êlek saylawnıñ demokratik şartlarda ütkärelüeneñ bilgelänelüen äytte.

Qazaqstanda 77,4% qatnaşu küläme bulğan saylawnı küzätep barğan TÜRKPA häm Törki telle illärneñ Xezmättäşlek şurası wäkillekläre matbuğat oçraşuın ütkärde.

Uçma Qazaqstanda cide namzät qatnaşqan saylawda köndäşlek şartlarınıñ oyışuın häm xatın-qız kandidat Danyia Yespayevanıñ qatnaşuı belän cenes tigezlegeneñ üseşenä qağılışlı möhim adım yasaluınıñ küzätelüen belderde.

Törki Şura ğomum särkätibe urınbasarı häm Nur Soltan saylaw küzätü wäkillege başlığı Gismat Gözalov ta xalıqnıñ irekle räweştä tawış birä aluı öçen böten idari çaralarnıñ kürelüen belderde.

Qazaqstandağı waqıtınnan êlek ilbaşı saylawın xäzerge Däwlät başlığı Kasım Cömärt Tokayev, tawışlarnıñ 70,76%ın alıp, qazanğan ide.



Bäyläneşle xäbärlär