Qırım tatar sörgenenä 75 yıl

Petro Poroşenko Kiyevda oyıştırılğan çarada çığış yasadı

1203863
Qırım tatar sörgenenä 75 yıl

Ukraina dӓwlӓt başlığı Petro Poroşenko Qırım tatar sörgeneneñ 75 yıllığında başqala Kiyevda oyıştırılğan çarada çığış yasadı.

Sovyetlar rejimınıñ 1944 yılnıñ may ayında ber xalıq tarixın berniçӓ köndӓ üzgӓrtüen beldergӓn Poroşenko Qırım tatarlarınıñ öylӓrenӓ ozaq waqıt qayta almawın citkerde.

Poroşenko 2015tӓ Ukraina Parlamentında Qırım tatar sörgeneneñ genośid bularaq qabul itelüen xӓterlӓtep, monıñ üze ilbaşı bulğan çorda çınğa aşuı belӓn ğorurlanuın ӓytte.

Xӓzerge Rusiyӓ citӓkçelegen “Stalin warisı” itep taswirlağan Poroşenko 5 yıl buyı yawlaw astındağı Qırım tatarlarınıñ ireklӓrennӓn mӓxrüm qaluın belderde.

Poroşenko tübӓndӓgeçӓ citkerde: “Qırım tatarları 75 yıl êlek Sovyetlar çorında duçar qalğan zolım hӓm basımnı bügen dӓ kürӓ. ”

Qırım tatarlarınıñ xӓzerge waqıtta basım arqasında qurqu êçendӓ yӓşӓwen ӓytkӓn dӓwlӓt başlığı: “Bügen Qırımda sӓyӓsi hӓm dini zolım astında törmӓdӓ yatuçı 86 keşeneñ 60tan artığı Qırım tatarı. 170 bala ӓtisez qaldı. Keşelӓr terrorçı bulıp iğlan itelüdӓn qurqa,” – dide.



Bäyläneşle xäbärlär