Azärbaycan başqalası Baqıda “tatarça söyläşäm”

Azärbaycan başqalası Baqıda “Min tatarça söyläşäm” çarası uzdı

Azärbaycan başqalası Baqıda “tatarça söyläşäm”

Tatarstan Cömhüriyäteneñ Azärbaycan Cömhüriyätendäge daimi wäkilçelegendä “Min tatarça söyläşäm” çarası uzdı. Ğadättägeçä bu çara tatar xalqınıñ milli şağire Ğabdulla Tuqaynıñ tuğan könenä bağışlandı.

Abas Minyaşev citäkçelegendäge “Tatarstan” ictimaği berläşmäse oyıştırğan çarada Azärbaycan tatarları belän bergä Azärbaycandağı qazaqlar berlege wäkilläre häm başqa qunaqlar da qatnaştı.

Çarada qatnaşuçılarğa tatar xalqı mädäniyäte, ğoref-ğadätläre, tanılğan tatar şağirläre häm yazuçıları, tatar aş-suları belän bäyle sorawlar birelde.

Çara Tuqaynıñ “Tuğan tel” cırı belän tögällände.

“Bez berençe tapqır ğına oyıştırmıybız bu çaranı, üzebez dä Tatarstanda häm Rusiyä Federaśiyäse töbäklärendäge şuşındıy çaralarda qatnaşabız”, - dip äytüçe çaranıñ kuratorı, “Tatarstan” ictimaği berläşmäse başlığı urınbasarı Ämin Ramazanov çarada tağın da kübräk tatar yäş’läreneñ qatnaşuın teläde.

“Tatarstan” ictimaği berläşmäseneñ matbuğat xezmäte xäbär itüençä, Baqıdağı “Min tatarça söyläşäm” akśiyäsendä Tatarstannıñ Azärbaycandağı daimi wäkile Al’fred Zakirov ta qatnaştı.



Bäyläneşle xäbärlär