Tawlı Qarabax probleması qarala

Azärbaycan, Ärmänstan häm Rusiya Federaśiyäse tışqı êşlär ministrları 15 nçe aprel’dä Mäskäwdä bu temaga söyläşü ütkärä

Tawlı Qarabax probleması qarala

 

Azärbaycan, Ärmänstan häm Rusiya Federaśiyäse tışqı êşlär ministrları 15 nçe aprel’dä Mäskäwdä Tawlı Qarabax mäs’äläse turında söyläşäçäk.

Azärbaycan ilbaşı İlham Aliyev belän Ärmänstan prem’yer –ministrı Nikol Paşinyan 29 nçı martta Venada oçraşu ütkärgännän soñ tışqı êşlär ministrlarına bu temağa söyläşüne däwam itterü boyırığı birgän ide.

Tawlı Qarabax xoquqıy bularaq Azärbaycan çikläre êçendä bulsa da ğamäli bularaq Ärmänstan tarafınnan basıp alınğan.

1991 nçe yılda Sovetlar Berlege tarqalıp Kön’yaq Kavkaz cömhüriyätläre bäysezlek alğannan soñ ike bäysez däwlät arasında qanlı suğış başlandı.

Ärmänstan bu barışta Tawlı Qarabax häm anıñ tirä yağın da kertep Azärbaycan cirläreneñ 20%ın yawlap aldı.

Rusiya aradaşçılığı belän 1994 nçe yılda utnı tuqtatu iğ’lan itelgän bulsa da kiyerenkelek xäzerge waqıtqa qadär däwam itte.

Qayçaq utnı tuqtatunı bozu oçraqları da buldı häm bäreleşlär kilep çıqtı, töbäk Kavkaznıñ krizis mäydannarınnan bersenä äwerelde.

Awrupa iminlek häm xezmättäşlek oyışmasınıñ Minsk törkeme dä şaqtıy kereşülär başqaruğa qaramastan Tawlı Qarabax problemasın çişü yünäleşendä konkret näticälärgä ireşä almadı.   

 



Bäyläneşle xäbärlär