Dönya bankınnan Üzbäkstanğa kredit

Ul Fergana üzänlegendä käsepçelekneň üsterelüe öçen bireläçäk

Dönya bankınnan Üzbäkstanğa kredit

Dönya bankı Üzbäkstannıň könçığışındağı Fergana üzänlegendä käsepçelekneň üsterelüe öçen 200 million dollarlık kredit biräçäk.

Dönya bankınıň Üzbäkstan wäkillegennän yasalğan açıqlawğa kürä Dönya bankı Direktorlar şurası Üzbäkstannıň Fergana, Namangan häm Andican şähärlärendä awıl cirleklärendä käsepçelekneň üsüe öçen 200 million dollarlık kreditnıň bülep quyıluın rasladı.

Proyekt qısalarında awıl cirleklärendäge êş cirläreneň üsep kitüenä häm şähärlärdäge bazarlarğa ireşüneň kiňäytelüenä yärdäm kürsäteläçäk, ayıruça töbäktä igençelek, azıq-tölek, qul êşlänmäläre häm turizm kebek tarmaqlarda keçkenä êş urınnarınıň üsüenä xuplaw kürsäteläçäk. Töbäktäge 20 meň keşene dä êş belän täêmin itü küzdä totıla.

1995 yılda Dönya bankına äğza bulğan Üzbäkstanğa bank tarafınnan bügengä qadär yaqınça 4 milliard dollarlık kredit birelde.



Bäyläneşle xäbärlär