İskeşähärdä Näwrüz bäyräme

“Näwrüz - törki dön’yanıñ urtaq mädäni mirası”

Anda qatnaşqan ilbaşı kinäşçese Fuat Oktay bolay dip söyläde: “Näwrüz babalarıbız yäd’käre, Törkestanda barlıqqa kilgän bäräkät häm söyü bäyräme. Näwrüz - törki dön’yanıñ urtaq mädäni mirası. Nindi söyeneçle xäl - bügen dön’yanıñ törle illärennän sez yäş’ qardäşlärebez belän ber arada, mondıy iskitkeç atmosferada Näwrüzne qotlıybız. Törleleklärebezne - baylılıq bularaq kürep, berkemne dä çitkä tibärmiçä qardäşlek êçendä bäyräm itäbez. Bu matur Näwrüz programmasın oyıştırğan, bezlärne bergä cıynağan Anadolu universitetıbızğa häm çit ildäge töreklär räislegenä räxmätebezne belderäbez”.

“Törkiyä dön’yanıñ Näwrüze öçen tırışlıq quya”

Programmada Çit ildä yäşäwçe töreklär häm tuğandaş cämğıyät’lär räise Abdullax Êren isä Törkiyäneñ räsmi çikläre tışında kiñ küñel geografiyäsenä iyä buluın assızıqladı. Ul oyışmanıñ dön’yanıñ törle taraflarında yäşäwçe qardäş häm tuğannar cämğıyät’läre belän qabat cılı häm samimi mönäsäbätlär tözü öçen êşçänlek alıp baruın da äytep uzdı. “Bez imperatorlıqnıñ däwamçısı. 784 kvadrat kilometrğa cäyelgän watanıbız bulsa da, Ğosmanlı däwläteneñ däwamçısı buluıbız öçen bik küp tuğandaşıbız, qardäş cämğıyät’lärebez çiklärebezneñ tışında yäşi. Dön’yanıñ dürt tarafında törekçä söyläşüçe cämäğat’çeleklär bar. Bez alar belän cılı häm samimi mönäsäbätlär tözü yaqlı.