Qazaxstan täcribäle diplomatnıñ qulına tapşırıldı

Qazaxstannıñ täwge ilbaşı Nursoltan Nazarbayev kiçä kötelmägän räweştä wazıyfasınnan kitkännän soñ, anıñ känäfiyenä waqıtlıça bularaq Kasım Cömärt Tokayev utırdı. Ul moña qadär Senat räise ide. Tokayev il belän kimendä 2020nçe yılnıñ dekabrenä qadär -yaña saylaw waqıtı citkänçe idarä itäçäk.

Bügen yaña ilbaşı parlamentta ant itte.

Nursoltan Nazarbayev üzeneñ urınına kilüçe turında “Qazaxstannı citäkläw mäs’äläsendä ışanıçlı keşe buluına ışanam” dide. Tokayev Sovetlar Soyuzı çorında da, Qazaxstan annan ayırılğannan soñ da ähämiyätle urınnarda êşlägän. Ul rus, ingliz, qıtay häm franśuz tellären belä. Tokayev qazax telen kirilliśadan latin alfavitına küçerüdä tırışlıq quyğan. Ul, şulay uq, narkotik satuçılarnı ğomerlek törmä yäisä ülem cäzasına xökem itü tarafdarı.