Qazan - yal öçen iň yaxşılardan berse
Monı balalı ğailälär arasında ütkärelgän anketa kürsätä
Turktatar.com beldergänçä Qazan balalar belän yal itär öçen iň yaxşı 5 urınnan berse.
Tatarstan başqalası Qazan balalı ğailälär öçen Rusiyä Federaŝiyasendä iň yaxşı 5 urınnan berse buldı.
Tvil.ru belgeçläre Qazannı öçençe urında kürsätte.
Rusiyädä turistlar arasında ütkärelgän anketa näticälärenä kürä balalı ğailälär yal itär öçen iň küp Qırımnı saylıy. Alarnıň sanı 51%.
Soňınnan reytingta Krasnodar töbäge bar. monda yal itärgä teläwçe balalı ğailälärneň sanı – 32%.
Qazan şähäre, Kareliya häm Kaliningrad töbäkläre isä öçençe urında.
Anketada qatnaşuçılarnıň 4%ı bu töbäklärgä kilep, ğailä belän yal itärgä teläwlären beldergän.
Sankt Peterburg, Mäskäw şähärläre häm Stavropol’ töbäge berençe unlıqta urın ala.
