Tağın ber çik buyı qapqası açıldı

Ul Üzbäkstan belän Tacikstan arasında urın ala

1156748
Tağın ber çik buyı qapqası açıldı

Üzbäkstan belän Tacikstan arasındağı “Babatağ” çik buyı qapqası ozaq waqıttan soň qabat açıldı.

Tacikstannıň Çik buyın saqlaw berlekläre matbuğat ofisınnan yasalğan açıqlawğa kürä çik buyı qapqasınıň açılış tantanası oyıştırıldı.

İke ildän şaqtıy watandaş qatnaşqan tantanada Üzbäkstannıň Çik buyın saqlaw berlege citäkçese Ruslan Mirzayev belän Tacikstannıň Çik buyın saqlaw berlege citäkçese Racabali Rahmanali dä bar ide.

“Babatağ” çik buyı qapqası Tacikstannıň Hisar häm Üzbäkstannıň Sariasya ilçälären ber-bersenä totaştıraçaq.

Uzğan yılnı Üzbäkstan belän Tacikstan arasındağı “Cartepa”, “Kuşkent”, "Uçturgan", "Havastabad", "Bekabad", "Pap", "Ravat", "Gülbahar" häm “Amuzang” çik buyı qapqaları ozaq waqıt yabıq torğannan soň qabat açılğan ide.



Bäyläneşle xäbärlär