Törekmännärdän Kärkük vilayäte mäclese utırışına reakśiya
Törekmännär Kärkük vilayäte mäclese utırışınıñ Ğiraq (Ğıyraq) körd regional citäkçelegendä ütkäreläçägenä reakśiya kürsätte
Ğiraq (Ğıyraq) törekmän frontı süzçese Ali Mähdi yasağan yazma belderüdä irtägä Ğiraq (Ğıyraq) körd regional’ töbägendä uzaçaq utırışnıñ Kärkük şähärennän çittä oyıştırıluınıñ mäcles êçke nizamnamäsenä tiskäre buluına basım yasadı.
Mähdi, Kärkük problemasınıñ Kärküktä häm kärküklelär arasında xäl itelüe zarurlığın assızıqlap, mäclestäge törekmän äğzaläreneñ şähärdän çittä uzdırılaçaq bu utırışta qatnaşmayaçağın äytte.
Kärkük belän bäyle bularaq körd partiyaları monnan alda qabul itkän ber yaqlı qararlarınıñ êşkä yaramawına iğ’tibarnı yünältüçe Mähdi şuşı uq räweşle Ğiraq (Ğıyraq) körd regional’ töbägendä uzaçaq utırışnıñ da uñışsız bulaçağı fikeren yaqladı.
Mähdi ayıruça Bağdat xökümäte häm BMO Ğiraq wäkilçelegeneñ Kärkük problemasına qatışuınıñ zarurlığın belderde.
“Kördistan watanpärwärlär berlege” häm “Kördistan demokrat” partiyası belän bergä düşämbe könne Ğiraq körd regional’ töbägeneñ Ärbil qalasında uzdırılaçaq Kärkük vilayäte mäclese utırışına ğaräplär dä reakśiya kürsätä.
