Üzbäkstannan çığu vizaları ğamäldän alındı

Üzbäkstanda çit ilgä säyäxät itügä röxsät birüçe “çığu vizası” 1nçe ğıynvardan ğamäldän çığarıldı. İlneñ êçke êşlär ministrlığınnan yasalğan belderügä qarağanda, däwlät başlığı Şäwkät Mirziyoyev anıñ urınına ikençe passport sistemasın küzdä totuçı qararnamä imzalağan. “Çığu vizası” programması 2017nçe yılnıñ avgust ayınnan ğamäldä ide.

Çit ilgä çığuçı Üzbäkstan watandaşları monnan soñ ikençe passport yasatıp qullanaçaq. Ul 16 yäş’tän zurlarğa 10 yıllıq, keçelärgä 5 yıllıq itep birelä.

Üzbäkstanda xäzergä qadär il êçendä şäxes tanıqlığı bularaq häm çit ilgä säyäxätlär öçen ber ük passport qullanıla ide.