Antaliyada tatar tele kursları

Törkiyäneñ Antaliya qalasında Koniyaaltı rayonında tatar tele öyrätelä

1089419
Antaliyada tatar tele kursları

Tatar tele däreslären Tatarstannıñ xezmät veteranı, xäzerge waqıtta Antaliyada ğomer itüçe pedagog Xälidä Äxmätova alıp bara.

Antaliyada yäşäwçe tatar balalarına tatar telen öyrätü  mäs’äläse Tatarstannıñ Törkiyädäge tulı wäqalätle wäkile urınbasarı Al’bert Yalışevneñ Antaliya tatarları belän oçraşuı waqıtında da quzğatıldı.

Törkiyäneñ yal itü töbägendä, kurort qalasında yäşäwçe tatarlar Tatarstan wäkilenä tatar mäktäbe häm tatar mädäni üzägen buldıru teläklären citkerde.

Al’bert äfände, ildäşläreneñ uy-fikerlären häm teläklären tıñlap, Tatarstan xakimiyäteneñ çittä yäşäwçe tatarlar tormışın küzätep toruın häm yärdäm qulın suzıp toruın belderde.

2018nçe yılnıñ üktäbr’ ayında Antaliyadağı tatar tele sıynıfında Tatarstannan tanılğan cämäğat’ êşleklese, yazuçı häm tarixçı Fäwziyä Bäyrämova qunaqta bulıp kitte.

Antaliyada yäşäwçe Arça yegete, şağir häm qurayçı, advokat Fänis Zıyalı tatar telen öyränüçe balalarnı mäzäklär, qızıqlı şiğirlär belän kölderde.

Törek yegete Xaqan Otluoğlunıñ da Antaliyada yäşäwçe tatar balalarına äyter süzläre bar ide.

Tatarstan qunaqları da qatnaşqan Antaliyadağı tatar tele därese “Tuğan tel” cırı belän tögällände.



Bäyläneşle xäbärlär