Qazan aêroportına isem êzlilär

Aêroport 16 noyabr’ könennӓn birle 14 meñnӓn artıq tawış cıydı

1089447
Qazan aêroportına isem êzlilär

Turktatar.com beldergänçä Rusiyӓdӓ zur hawa mӓydannarına tanılğan şӓxeslӓrneñ isemen quşu öçen tawış birü uza.

Qazan xalıqara aêroportı öçen öç isem köç sınaşa. Alar: tanılğan şağirlӓr Ğabdulla Tuqay, Musa Cӓlil hӓm oçqıç injenerı Andrey Tupolev.

Tatarstan dӓwlӓt başlığı Röstӓm Miñnexanov sośial’ mediada Qazan aêroportına Ğabdulla Tuqaynıñ isemen xuplap, tübӓndӓgeçӓ yӓzdı: “Ğabdulla Tuqay – tatar xalqınıñ mӓdӓniyӓt simvolı, böyek şağir’, küp millӓtle Tatarstannıñ ğorurı. Ğorurlanabız hӓm saylıybız.”

Röstӓm Miñnexanov Tatarstandağı Begişevo aêroportı öçen dӓ Nikolay Lemayev isemen xuplarğa soradı.

Bӓygedӓ Rusiyӓneñ 47 hawa mӓydanı qatnaşa. Tatarstannan isӓ bu bӓygedӓ ike aêroport bar.

Qazan aêroportı 16 noyabr’ könennӓn birle 14 meñnӓn artıq tawış cıydı.

Qazan hawa mӓydanı öçen Ğabdulla Tuqay iseme berençe urında. Aña 6300dӓn artıq tawış birelde.

Tawış birüneñ nӓticӓlӓre 5 dekabr’ könne açıqlanaçaq.



Bäyläneşle xäbärlär