Tatarstan azärbaycannarı Azärbaycan tatarları belän oçraştı

Tatarstan Däwlät Şurası xalıq ışanıçlısı häm Xalıqlar duslığı yortı (Тaтaрстaн xaлыклaр дуслыгы йорты) mödire İrek Şaripov belän Tatarstan Cömhüriyätendäge Azärbaycan milli-mädäni moxtariyäte başlığı urınbasarı Tural Zamanlı citäkçelegendäge Tatarstan wäkillege Baqıda tatar diasporası wäkilläre belän oçraştı.

Tatarstan xalıqlar duslığı yortı turında mäğ’lümat birep uzuçı İrek Şaripov Tatarstanda Azärbaycan belän törle ölkälärdä xezmättäşlek urnaştıruğa zur iğ’tibar birelüen assızıqladı.

Tatarstandağı azärbaycan diasporası wäkile Tural Zamanlı, Qazandağı Azärbaycan milli-mädäni moxtariyäte räise Başir Başirovnıñ sälamnären citkerep, azärbaycan xalqınıñ mädäniyäten, tarixın häm ğoref-ğadätlären öyrätü maqsatın quyğan Azärbaycan moxtariyäte häm yäkşämbe mäktäbeneñ Tatarstandağı êşçänlege belän tanıttı.

Azärbaycandağı “Tatarstan” ictimaği (ictımağıy) oyışması başlığı urınbasarı Ämin Ramazanov, Baqığa säfär oyıştırğannarı öçen Azärbaycan milli-mädäni moxtariyätenä räxmätlären belderep, moñarçı da Azärbaycan tatarları belän oçraşularnıñ oyıştırıluın häm şuşı ike oyışmanıñ Qazanda şaqtıy çaralar ütkärüen xäterlätte.

Azärbaycan başqalası Baqıdağı oçraşu waqıtında Tatarstan milli stendı täq’dir itelde häm “Aq qalfaq” ansamble başqaruında tatar cırları yañğıradı.

Ämin Ramazanov fotosürätläre