Törkiyä Baqınıñ azatlığına 100 yıl tulunı qotladı.

Tışqı êşlär ministrlığınnan istälekle data uñayınnan belderü yasaldı

1049979
Törkiyä Baqınıñ azatlığına 100 yıl tulunı qotladı.

Tışqı êşlär ministrlığınnan istälekle data uñayınnan yasalğan belderüdä: “Baqını azatlıq köne belän qotlıybız, monıñ öçen ğomerlären fida itkän 1132 şähitebez belän bergä watannarı öçen yatıp qalğan azärbaycanlı qardäşlärebezne xörmät häm räxmät belän iskä alabız,”-diyelgän.

Belderüdä, şulay uq, 15nçe sentyabr’dä Azärbaycan bäysezlegen iğ’lan itkännän soñ Ğosmanlı däwläte tarafınnan yärdäm öçen Kavkaz islam ğaskäre cibärelüe, anı Nuri Killigil Paşa citäkläwe häm alar yärdämendä Baqınıñ azat itelüe dä äytelä. Anda: “Kavkaz islam ğaskäre häm bu mäğ’näle data Törkiyä belän Azärbaycannıñ “ike däwlät, ber millät” süztezmäsendä añlatılğan yazmış urtaqlığınıñ iñ möhim nigez taşlarınnan berse,”-digän süzlär dä bar.  

Belderüdä äytelgänçä, Baqınıñ azatlığı ul çorda başqalanıñ anda küçenüen häm ilneñ cir bötenlegen täêmin itkän. Azärbäycännıñ bügenge çikläreneñ sızıluına da nigez şunda salınğan. Berençe bötendön’ya suğışınıñ soñğı aylarında saylap alınğan xärbilärdän tözelep Azärbaycanğa cibärelgän Kavkaz islam ğaskäre bu ciñüdä töp rol’ne uynıy.   

100 yıllıq uñayınnan Baqıda ilbaşı Räcäp Tayyip Ärdoğan häm Azärbaycan däwlät başlığı İlham Aliyev qatnaşında tantanalar uzaçaq.  



Bäyläneşle xäbärlär