“18 nçe may – Qırım tatarları öçen matäm köne bulu belän bergä alarnı berläştergän kön dä”

Qırım tatarları liderı,Ukraina xalıq ışanıçlısı Mostafa Abdülcämil Qırımoğlu 1944 nçe yılnıñ 18 nçe mayındağı  Qırım tatarları sörgene qorbannarın iskä alu uñayınnan yullama yasadı.

Qırımoğlu :”Qırım tatar xalqı öçen 18 nçe may tarixi matäm köne bulu belän bergä harwaqıt Qırım tatarları berläşkän, xaqları öçen ,Watanına qaytu öçen köräşü qatğıylığı kürsätkän kön buldı”,-dide.

Yawlap aluçılarnıñ äle haman da Qırım tatarların bülärgä yäisä qayber ireklären tıyarğa tırışularına basım yasawçı Qırımoğlu moña qaramastan Qırım tatar xalqı berdämlegeneñ xis itelüen citkerde.

Qırım Tatar Milli Mäclese başlığı Refat Çubarov isä Ukraina başqalası Kiyevtä Qırım tatarları sörgeneneñ 74 yıllığı uñayınnan oyıştırılğan çarada çığış yasap Qırım tatar xalqına üzidärä statusı birelüe kiräklegen belderde.

Çubarov 1944 nçe yılğı sörgendä meñnärçä Qırım tatarınıñ ğomere özelüen häm yazmışınıñ üzgärüen citkerde.