Qazaxstan Livanğa ğaskär cibärä
Qazaxstan Berläşkän Millätlär oyışmasınıñ tınıçlıq saqlaw çaralarınıñ bersenä 120 keşelek xärbi berlek cibärä
947526
Qazaxstan Livanğa tınıçlıq urnaştıruçılar cibäräçäk. Bu xaqta BMOğa ilneñ Saqlanu ministrı urınbasarı Tälğat’ Moxtarov belderde. Anıñ äytüençä, Livanğa solıx missiyäse öçen xärbilär cibärügä xäzerlek bara.
“Berläşkän Millätlär oyışmasınıñ tınıçlıq saqlaw çaralarınıñ bersenä 120 keşelek xärbi berlek cibäräbez. Möğayen, bu Livandağı çara bulır”,-di Moxtarov. Ul moña qadär BMOğa xärbilär cibärü öçen Qazaxstanda tiyeşle qanunnar bulmawınıñ assızıqlıy. Xäzer isä bu citeşsezlek beterelgän. “Min Livanğa barıp qayttım. Xezmät itäçägebez cirne kürdem. Bu solıx missiyäse”,-di Saqlanu ministrı urınbasarı Tälğat’ Moxtarov.
