Tacikstannan Üzbäkstanğa êlektr

Soñğı waqıtlarda ike yaqlı mönäsäbätlärdä zur üseş tormışqa aşırılğan Üzbäkstan häm Tacikstan çik buyı qapqalarınıñ ike yaqlı bularaq açıluı, 30 könlek vizasız säyäxät mömkinlegeneñ ğamälgä kertelüe häm 25 yıl aradan soñ yañadan oçqıç säfärläreneñ başlatıluınnan soñ êlektr ênergiyası sistemaların qabat berläşterde.

Tacikstan xökümätennän yasalğan belderüdä, Regar häm Üzbäkstannıñ Gulça êlektr ütkärgeç liniyalırınıñ ğamälgä kertelüe belderelep, Tacikstannıñ Üzbäkstanğa êlektr êksportlıy başlawı assızıqlandı.

Üzbäkstanğa ber yıl êçendä tuplam 1,5 milliard kilowatsäğät êlektr satuınıñ planlaştırıluı äytelgän belderüdä Üzbäkstannıñ ber kilowatsäğät êlektr öçen cäy aylarında 2 sent, qış fasılında da 2,5 sent tüläyäçäge xäterlätelde.

Tacikstan belän Üzbäkstannıñ 2009nçı yılda Urta Aziyanıñ berdäm êlektr sistemasınnan çığuınnan soñ ike il ênergiya sistemaları arasındağı bäyläneş tä özelgän ide.

Üzbäkstan belän Tacikstan arasında su häm ênergiya çığanaqlarınıñ qullanıluı häm bäxäsle çik buyı noqtaları arqasında ozaq yıllar buyı xökem sörgän kiyerenkelek Şavkat Mirziyoyevneñ 2016nçı yılnıñ 14nçe dekabrendä Üzbäkstan Däwlät başlığı bulıp saylanuınnan soñ azayğan häm mönäsäbätlärdä cayğa salu barışı başlağan ide.

İke il arasında 25 yıl aradan soñ oçqıç säfärläre qabat başlatılğan häm ike il arasında êlegräk yabılğan 10 çik buyı qapqası yañadan êşli başlağan ide. Soñınnan ike il watandaşlarınıñ ike yaqlı bularaq 30 kön buyı vizasız säyäxät itü ğamäle dä tormışqa aşırılğan ide.