Astanada küz rӓweşendä kitapxanä

Kitapxanӓ turistlar iñ küp barğan urınnar arasında

941727
Astanada küz rӓweşendä kitapxanä

Qazaqstan başqalası Astanadağı Berençe ilbaşı kitapxanӓse kük yözenӓ qarawçı küz rӓweşe belӓn turistlarnı üzenӓ cӓlep itӓ.

Astanadağı möhim miğmari ӓsӓrlӓrdӓn berse bulğan kitapxanӓ turistlar iñ küp barğan urınnar arasında.

Kitapxanӓ şulay uq Nazarbayev üzӓge bularaq ta belenӓ.

Qazaqstan dӓwlӓt başlığı Nursoltan Nazarbayevnıñ kereşüe belӓn tanılğan arxitektor Norman Foster tarafınnan proyektlandırılıp, 2014 yılda açılğan kitapxanӓneñ tübӓse qorıçtan.

Tübӓse pıyala belӓn qaplanğanı öçen bina qoyaş nurın küp ala.

Binanıñ podval qatında arxiv hӓm texnik bülmӓlӓr, berençe hӓm ikençe qatında muzey hӓm kürgӓzmӓ alannarı, öçençe qatında kitap bülege, cidençe hӓm tuğızınçı qatlarda ilbaşı Nazarbayevnıñ êş ofisı, qalğan qatlarda da ofislar bar.

9 qatlı kitapxanӓdӓ dönya ӓdӓbiyatınnan meñnӓrçӓ kitap bar, muzeyda hӓm kürgӓzmӓ alnnarında çit il liderları dӓwlӓt başlığına birgӓn bülӓklar urın ala.

Kitapxanӓneñ mödir urınbasarı Botagoz Kayipova yasağan açıqlawında kük yözenӓ qarawçı küzneñ Qazaqstannıñ kilӓçӓkkӓ qaraşın simvollawın ӓytte.

Kayipova proyekt ӓzerlӓngӓndӓ töbӓktӓge cil, salqınnar, qar kebek klimat şartlarınıñ da iğtibarğa alınuın belderde.

Mödir urınbasarı tübӓndӓgeçӓ dӓwam itte: “Binağa turistlar zur qızıqsınu kürsӓtӓ. Atna êçendӓ kim digӓndӓ 500 keşe kilӓ, atna azağıanda bu san 2 meñgӓ citӓ. Kitapxanӓgӓ uzğan yılnı oyıştırılğan Astana Expo 2017 yӓrminkӓse qısalarında 3 ayda 75 meñ çit il turistı kilgӓn ide.”



Bäyläneşle xäbärlär